恆固牌魔術塑鋼土(A+B) 同埋魔術鋼膠可以幫到你！佢哋係一種特殊的修補劑，質地同黏土相似，但唔會黐手，可以搓成任何形狀，填補唔同罅位，佢乾咗之後會變到同陶瓷一樣咁硬咁滑，適用於唔同物料，包括陶瓷、塑膠、木材、玻璃、纖維、金屬、混凝土、石頭，即使喺潮濕表面同水入面都能夠硬化，方便修補漏水中嘅水管。

立即去片：https://youtu.be/X2dbQk6Pkd8

～～使用說明～～

1. 魔術塑鋼土

魔術塑鋼土同魔術鋼膠成分一樣，主要係包裝上有分別，塑鋼土(A+B) 分開A同B兩劑，A劑係灰色，B劑係泥黃色。

使用方法 :

1) 喺A劑同B劑各拎一樣分量出嚟

2) 將AB劑撈埋，直至同一顏色就可以開始修補

注意 :攞完記得記得一定要冚返嗰蓋，如果唔係佢好容易變乾。

塑鋼土個質感有D似黏土，唔會好黐手。今次要修補嘅係磁磚裂縫，搓好咗長條形之後就壓落去，之後就可以掃翻平佢，整理佢嘅形狀。

塑鋼土要半個鐘先會開始固化，所以唔使擔心佢好快就會變硬，可以慢慢調較到理想嘅形狀為止，圖入面個磁磚就好似平時廁所啲裂縫一樣，條痕比較長。

壓落去之後可以再用張膠片嚟刮走啲多餘嘅塑鋼土。

除咗修補罅隙之外，塑鋼土仲可以喺水裏面修補水管。

呢個水管穿咗好大個窿!

用塑鋼土搓翻佢個形狀之後再放入水度就ok啦~

就算係水杯爛咗都可以用塑鋼土整翻個柄比佢!!

搓好想要嘅形狀之後，就可以黐係杯柄上面，再調整吓啲位置同形狀。

大概兩個鐘左右就會初步固化，一日就會完全乾透，咁就搞掂啦!

------------------------------------------------------------

2. 魔術鋼膠

鋼膠嘅包裝就將A劑同B劑放埋一齊，好似芝心獅子狗咁。

使用方法：

1 ) 直接用鉸剪或者鎅刀剪開包裝，然後搣走面頭塊膠

2) 可以見到佢係兩隻顏色，用手搓勻佢

3) 感覺到佢微暖而且顏色均勻，就可以將佢黐落要修補嘅位置上

要留意佢變硬速度比較快，大約5分鐘左右就會初步固化，所以要快手少少，鋼膠放置一個鐘左右就會完全固化，適合修補細範圍嘅窿罅。

鋼膠可以用嚟修補U型管。

搓好咗鋼膠之後就搣少少出嚟，壓上去個窿仔度，咁就已經ok喇~

即時效果：完全冇漏水!!!

注意！用完後鋼膠除咗要記得冚蓋，仲要用包翻好佢，避免硬化，如果包裝紙爛咗，用保鮮紙包翻都冇問題～

------------------------------------------------------------

小貼士

．塑鋼土及鋼膠乾透時間整合

．面頭硬咗點算好？

如果下次再打開時面頭硬化，可以將佢切走，唔會影響正常使用。

固化後嘅塑鋼土同鋼膠可以鑽孔、打磨同上漆，堅固之餘仲好方便～有咗佢，補窿補隙話咁易，黐乜黐物即時掂！屋企有咩窿窿罅罅都唔使驚～

立即選購：

HENCO® 恆固牌 – 魔術塑鋼土(A+B)

https://mall.builderhood.com/henco-ms9900-ms9901.html

HENCO® 恆固牌 – 魔術鋼膠(灰白色) - 60克

https://mall.builderhood.com/henco-ms-0003.html