WD40 LAVA火山萬用去污皂，佢係wd-40既子品牌，已經有百幾年歷史，以前啲礦工、汽車維修員都係靠佢清潔雙手，因為佢能夠有效去除油墨、油脂、炭漬、顏料、油漆、膠水、油灰及英泥等頑固污漬，亦能辟除腥味，為工場居家必備洗手皂。

WD40 LAVA 火山萬用去污皂有幾掂?

佢嘅成分包括浮石同火山灰，能夠迅速清除頑固污漬及油脂，亦唔使擔心會洗到隻手好乾，因為佢嘅熔岩配方可以滋潤皮膚，潔手之餘亦唔會整到對手嚡晒，俾小朋友使用都唔會傷害到佢地幼嫩嘅皮膚，一家大細都啱用；而且火山去污皂使用可再生資源製造，對環境無害，又環保又好用，滿足到唔同人嘅需要，特別係做裝修同整車嘅朋友，有佢就唔使怕手上污漬好難清走啦～

日常應用 機油、油漆洗唔甩？

整車師傅成日都會接觸機油，少不免會整到對手又黑又油，而且仲非常難清潔，就算用日本去污梘都係清唔走，要捽好耐、甚至要用刷大力擦，洗到隻手又嚡又痛先至勉強擦得走少少；油漆師傅做嘢俾油漆滴到成身都係，無論係手定係衫褲都有，用普通清潔液捽到手軟都仲有漬。呢個時候火山去污皂就幫到你地啦，佢連呢類超級污漬都可以輕鬆清走，仲有陣淡淡嘅椰子味，放工一捽就即刻回復乾淨兼香噴噴。

平時小朋友鍾意畫畫，啲顏料整到成隻手都係，就連件衫都染到一撻撻，試過用普通洗手液同洗衣粉，但捽極都仲有漬，呢個時候火山萬用去污皂就幫到你，一捽即刻清晒，再冇顏料留低！

番梘比洗手液更耐用

可能有啲人會話番梘用起上嚟有啲唔方便，但係番梘相比洗手液更加耐用。美國網站DailyFinance曾經比較過，用沐浴露和用番梘沖涼所需的費用，結果顯示，每次用建議份量(2茶匙)的Olay牌沐浴乳(每樽售價為4.99美元，約38港元)，花費約0.17美元(約1.3港元)；而每次用Ivory牌番梘洗澡則只需0.12美仙(約0.1港元)。所以用番梘長遠計落抵用好多～

除咗洗手之外，火山萬用去污皂仲可以用嚟洗鞋、衣物、廚房用具等唔同嘅日常用品，一舊番梘可以應用到唔同用品，夠晒實用，絕對值得入手～