夏天為大地帶來雨水！近排香港成日落大雨，天文台早排仲發出咗三年嚟第一個黑色暴雨警告，呢啲時候最怕屋企窗邊漏水整濕晒！ 一時三刻又未必搵到師傅幫手，不過只要有呢兩件緊急法寶，就唔怕屋企變澤國！

3M™防水膠條

漏水第一大元兇就係窗邊嘅空隙，坊間流傳唔少土炮方法「解決」問題，例如以保鮮紙捲成膠條狀「攝」在隙縫處，防止滲水，但保鮮紙唔夠厚無助改善漏水情況之餘，每次開窗仲會移位！而呢款3M™防水膠條可以封實窗邊空隙，除咗防止雨水、蚊蟲、蟑螂、塵埃由空隙進入室內，同時亦可防止室內冷暖氣流失、隔音，以及減低開關門窗嘅碰撞聲音。防水膠條為密封式軟質膠料，使用方法非常簡單，首先要徹底清潔目標嘅窗邊，剪裁出所需長度，然後貼上窗框，再將底紙撕翻落嚟就完成啦！除咗窗框之外，門框、車門、車尾箱、雪櫃門同樣適用。

膠條分為兩個尺寸，如果用喺車門、較小嘅窗框以及空隙較窄嘅位置，可以選擇較小尺寸，即3/16" x 3/8" x 17' (厚x闊x長)，如果需要黐喺門框或落地窗框等較大型嘅東西上，又或者空隙較大，則可選用大尺寸1/4" x 1/2" x 17' (厚x闊x長)，咁就唔怕黐完仲留隙啦！

富麗亞 Spray Film 多功能防漏膜

漏水另一個元兇就係外牆滲水，最近熱賣嘅富麗亞 Spray Film 多功能防漏膜針對外牆裂縫滲漏，全面保護你屋企，可以防水、防鏽、補漏、抗鹽酸，室內室外都適用，除咗可以幫手解決日常家居滲水問題之外，例如浴缸邊發霉、門窗漏水、家居翻新、電器產品，連外牆裂縫滲漏、天台滲水等等都適用！

呢款防漏膜用法一樣咁簡單。首先，用適當嘅清潔劑或外用酒精將表面徹底清潔，待乾後以約20至45cm距離，於表面噴上至少3至4層，每層相隔時間約10至15分鐘，記得每次噴塗前須先充分搖晃罐身，最後一層完成後約等待30分鐘，薄膜才能乾透。如有不需噴塗的表面，可用膠紙或報紙遮蔽，如需移除薄膜，可從邊緣位置慢慢撕開。

呢款富麗亞 Spray Film 多功能防漏膜有兩種唔同嘅容量，分別係400ml 同150 ml。而且有透明、白色、灰色三種選擇，總有一款可以襯到你。

漏水問題一定要好好處理，呢兩件法寶可助你解決燃眉之急，但如果你屋企出現大規模滲水甚至漏水情況，原因有機會係出現結構性上嘅問題，建議搵專業師傳檢查同處理，徹底解決漏水問題！