【超治癒洗車術】 Bosch Easy Aquatak EA110開箱   洗車洗牆洗冷氣通通無難度

近年高壓水槍大行其道,洗地洗車洗冷氣通通啱用,五金街為大家開箱嘅就係Bosch EasyAquatak 110 高壓清洗機。

 

Bosch EasyAquatak 110水壓有110bar,而水流量係每小時330公升,機身駁一條5米電線,機身尺寸為35cm(長) X 13cm(闊) X 29cm(高),無視闊度的話,同一部Bosch 108套裝差唔多。機身重量為4kg,雖然有少少重,但操作時主機唔需要拎上手,而手把位只係1磅多,所以使用起來問題不大。

 

配件包括:

長3米的出水管

高壓防爆 Max130Bar

噴水槍(手制位可以鎖實)

連接水槍的槍管

駁入水管的過濾器

旋轉噴咀

可調較噴咀(可調較花灑至水柱形式)

泡沬噴壺

槍托

 

 

究竟槍托用來做甚麼呢?原來主機體嘅設計非常貼心,每個位置都可以將配件裝上,槍托可以插係機身側面卡槽位,用來收納電線,或者係清潔閒置嘅時候放水槍。機身後方有兩個噴咀收納位以及放泡沬噴壺嘅卡槽,手把位置可以放哂水槍同槍管,前方可以扭入過濾器,最後底部就係放出水管喇。咁樣拎就唔會東一件西一件唔見晒啲配件,收納係車尾亦都好方便!

 

 

為大家度埋合併後嘅重量同尺寸,全部配件安裝上去之後重5kg,尺寸為52cm(長) X 30cm(闊) X 31cm(高)。組裝過程亦都非常簡單,每個接駁位都係自動鎖實,嘉嘉大約花咗20秒就裝完成。

 

 

實測部份,就會分別試測試洗牆、洗車、洗地嘅效果,呢部高壓清洗機雖然細細部但水壓都有110bar,到底實際上有幾勁呢?

 

 

未開機之前,開關制保持係0字位置,預先開一次水槍等水管嘅空氣排走,咁樣就會襟用好多。嘉嘉用咗兩個噴咀去洗地板同牆壁,所需時間都唔算好耐,旋轉轉咀可以多角度清洗唔同位置,唔需要好似平時咁大力擺動先洗到唔同的位置。可調較噴咀嘅最大扇型模式都夠哂闊,目測角度係135度,出水依然都好夠力,而水柱模式就可以專噴頑固污漬。

 

至於洗車嘅表現都相當理想,泡沬打出嚟夠濃郁,機身有自吸功能,即係唔洗駁水喉,直接用水桶吸水都得,方便移動。

 

美中不足嘅係需要駁濕電,所以工作時要留意啲電位喇!試埋佢最遠射程係3-4米,無論你想洗大型啲嘅車款、高身嘅牆,或者用係園藝灑水都冇問題,唔同場合都可以一機多用。